Тибқи сархати 5 банди 12 Консепсияи сиёсати ҳуқуқии ҶТ барои солҳои 2018-2028, ки бо фармони Президенти ҶТ аз 6 феврали соли 2018, №1005 тасдиқ гардидааст, яке аз самтҳои муҳимми сиёсати ҳуқуқии ҶТ-ро такмили қонунгузории ҶТ бо дарназардошти васеъ гардидани доираи муносибатҳои ҷамъиятии моҳиятан ҳаммонанд, ки бо қонунҳо танзим меёбанд ва бояд дар оянда бо тадриҷ кодификатсия карда шаванд, ташкил медиҳад.

Инчунин, тибқи банди 862 Барномаи миёнамуҳлати рушди ҶТ барои солҳои 2021-2025, ки бо қарори Ҳукумати ҶТ аз 30 апрели соли 2021, №168 тасдиқ шудааст, масъалаи дақиқ муайян намудани вазифаҳо ва ваколатҳо, инчунин таъмини ҳамоҳангсозии амалҳои мақомоти давлатӣ дар соҳаи ҳифзи муҳити зист тавассути таҳия ва қабули Кодекси экологии ҶТ пешбинӣ гардидааст.

Ҳамзамон, бояд таъкид дошт, ки тибқи банди 32 Консепсияи пешгӯии инкишофи қонунгузории ҶТ, ки бо фармони Президенти ҶТ аз 19 феврали соли 2011, №1021 тасдиқ шуда буд, бо мақсади таъмини ҳифзи муҳити зист, инчунин иҷрои шартномаҳои байналмилалии ҶТ оид ба ин масъала таҳия ва қабули Кодекси экологии ҶТ зарур шуморида шудааст.

Лоиҳаи Кодекси мазкур аз қисми умумӣ ва махсус, 40 боб ва 584 модда иборат буда, муносибатҳоро дар соҳаи ҳифзи муҳити зист танзим намуда, ба ҳифз ва истифодаи самаранок, мақсаднок, оқилонаи захираҳои табиӣ равона гардида, таъмини ҳифзи муҳити зист, амнияти экологӣ, рушди устувор ва кафолати ҳимояи ҳуқуқҳои табиатистифодабарандагонро муайян менамояд.

Лоиҳаи Кодекси мазкур бо дарназардошти таҷрибаи қонунгузории давлатҳои хориҷӣ ва таҷрибаи қонунгузории ҷумҳурӣ доир ба соҳаи ҳифзи муҳити зист ва истифодаи самаранок, мақсаднок, оқилонаи захираҳои табиӣ таҳия гардидааст.

Лоиҳаи Кодекси мазкур барои танзим намудани муносибатҳо дар соҳаи ҳифзи муҳити зист, ҳифз ва истифодаи самаранок, мақсаднок, оқилонаи захираҳои табиӣ равона гардида, таъмини ҳифзи муҳити зист, амнияти экологӣ, рушди устувор ва кафолати ҳимояи ҳуқуқҳои табиатистифодабарандагонро муайян менамояд.

Бидуни таҳияи лоиҳаи мазкур фаҳмондадиҳи миёни шахсони воқеӣ ва ҳуқуқӣ, ки дар муносибатҳои мазкур иштирок менамоянд гузаронида шудааст.

Лоиҳаи Кодекси мазкур аз ҳисоби буҷети давлатӣ маблағгузориро талаб намекунад.

Оқибатҳои иҷтимоии лоиҳаи мазкур:

• бартараф намудани номутобиқатӣ:
• кам намудани шумораи санадҳои меъёрии ҳуқуқии ҳаммонанд;
• мустаҳкамгардии сиёсати ҳифзи муҳити зист;
• мураттабсозии қонунгузории экологӣ;
• сафарбар кардани қувва ва воситаҳои зеҳнӣ, ҷамъиятӣ, илмӣ ва касбӣ;
• иҷрои шартномаҳои байналмилалии ҶТ.

Оқибатҳои иқдисодии лоиҳаи мазкур:

• пешрафти иқтисодиёти кишвар;
• гузариш ба иқтисоди бозоргонӣ;

гузариш ба иқтисоди «сабз», рақамикунонӣ.